ရက္ခိုင့်တပ်မတော် အကွန်ဆောင်ပနာဆက်ကြေးငွီကောက်ခံနီသူများသိဟိစီရန်

ရက္ခိုင့်တပ်မတော် အကွန်ဆောင်ပနာဆက်ကြေးငွီကောက်ခံနီသူများသိဟိစီရန်

ရက္ခိုင့်တပ်မတော် အကွန်ဆောင်ပနာဆက်ကြေးငွီကောက်ခံနီသူများသိဟိစီရန်

 

၂၀၁၇ ခုနှစ်၊ဧပြီလ (၂၈ သို့မဟုတ် ၂၉) ရက်နိခန့်တွင် ဘင်္ဂလားဒေ့ရ်ှနိုင်ငံ၊ နတ်ကျောက်ဆရီမြို့နယ်၊ “အင်းသုံးဆယ်”ရွာအတွင်းသို့ ဘက်တံဆိပ်တပ်ဆင်ထားခြင်းမရှိသော ပြောက်ကျားအစိမ်းကွက်ယူနီဖောင်း၊ဗမာစစ်တပ်ဝတ်ယူနီဖောင်းများကိုဝတ်ဆင်၍ ရက္ခိုင့်တပ်မတော်(AA)က ဟုပြောဆိုပြီး AA အကွန်ဆောင်၍ဆက်ကြေးငွီများကောက်ခံလားကြောင်းသိဟိရသည်။

မြုံအပါအဝင် အင်အား (၃၀) ခန့်ပါ၎င်းဆက်ကြေးကောက် ဓါးပြဂိုဏ်းသာသာအဖွဲ့သည် နယ်စပ်မှတ်တိုင် BP-53 / 54 ပတ်ဝန်းကျင်အနီးမှထွက်လာ၍ကောက်ခံလားခခြင်းဖြစ်သည်။

ယင်းပိုင်မျိုးလုပ်ရပ်အား မေလ (၃) ရက်နိတွင်လည်း၎င်းအဖွဲ့မှပင် အလားသဏ္ဍာန်တူပြုလုပ်ပြီးဆက်ကြေးများထပ်မံကောက်ခံလားခသည်။ အဂုတစ်ကြိမ်၌ ဗမာစစ်တပ်ယူနီဖောင်းပိုင်ဝတ်ဆင်၍ကောက်ခံလားခြင်းဖြစ်သည်။ ၎င်းကောက်ခံသူများထဲမှ တစ်ချို့မှာ ALP တပ်ဖွဲ့ဝင်များဖြစ်ကြောင်းဆက်ကြေးပီးလိုက်ရသောရွာသားများသိဟိကြသည်။ အတည်ပြု၍ရသောသတင်းများအရ( ထိန်လင်း နန့် ထွန်းဝင်း) ဦးဆောင်ပြီး မြုံအပါအဝင် အင်အား (၃၀)ခန့်ပါဝင်ကြောင်းသိဟိရသည်။

၎င်းဖြစ်ရပ်နှစ်ကြိမ်စလုံးတွင် ၎င်းရို့ ၌ပါလာသည့်လက်နက်ခဲယမ်းများကို ရွာအတွင်းသို့ယူဆောင်လာခြင်းမဟိခဘဲ ရွာပြင်တောစပ်ထဲတွင် ထားခသည်။ဆက်ကြေးကောက်ခံခြင်းခံရသည့်ရွာသားများမှ ၎င်းကောက်ခံနီသူများမှာ ALP တပ်ဖွဲ့ဝင်မှန်းသိသောအခါ ၎င်းရို့မှ ALP တပ်ဖွဲ့ဝင်အမှန်ဖြစ်ကြောင်းဝန်ခံပြီး မိမိရို့ရက္ခိုင့်တပ်မတော်မကောင်းကြောင်းအားသွားပုတ်လီလွင့်ပြောဆိုသည့်အပြင် မိမိရို့အချင်းချင်းအကြားတွင် စိတ်ဝမ်းကွဲပြားစီရန်မဟုတ်မမှန်စကားများကိုထပ်မံပြောကြားခခြင်းများဟိခသည်။(သက်သီအထောက်အထားရဟိပြီးဖြစ်သည်)

ဂနိ မေလ (၄) ရက်နိ၊ညဇာသား (၈) နာရီ၊လက်ဟိနောက်ဆုံးရသတင်းအရ ၎င်းဆက်ကြေးကောက်အဖွဲ့သည် အင်းသုံးဆယ်အနီးရှိ “ဂရမ်ပါရာ”(ရွာ) အနီး၌အရပ်ဝတ်များဖြင့်ရောက်ဟိနီကြောင်းသိဟိရသည်။ မိမိရို့အနီဖြင့် အနီးကပ်စောင့်ကြည့်လျှက်ဟိပြီး လွန်ခသောနှစ်ကြိမ်အဖြစ်မျိုးအား ထပ်မံကျူးလွန်မည်ဆိုပါက ထိုက်တန်သောပြုလုပ်မှုမျိုးကိုလုပ်ဆောင်လားမည်။

တစ်ဆက်တည်းတွင် ရက္ခိုင့်တပ်မတော်(AA) သည် တပ်မတော်စတင်တည်ထောင်စကတည်းကပင် ဂနိအထိ အရပ်သားပြည်သူလူထုများထံမှ ဆက်ကြေးကောက်ခံခြင်း၊ အတင်းအဓမ္မငွီကြေးကောက်ခံခြင်းများကို တစ်ကြိမ်တစ်ခါမှ ပြုလုပ်ခခြင်းမဟိဆိုသည်ကိုလည်း မိဘပြည်သူအပေါင်းရို့အားအသိပီးအပ်ပါသည်။

၎င်းအပြင် ရခိုင်ပြည်အတွင်း၌လည်း တချို့သည် ရက္ခိုင့်တပ်မတော် (AA) အားခုတုံးလုပ်ငွီကြေးကောက်ခံနီသည်များကိုတွိဟိနီရသည်။ မိမိရို့ အနီဖြင့် မည်သည့်အဖွဲ့အစည်း၊ မည်သည့်ပုဂ္ဂိုလ်များအားသီးသန့်ငွီကြေးကောက်ခံစေလွှတ်ထားခြင်းမျိုးမဟိပါ။ (ခြွင်းချက်အချို့မှလွဲ၍) ထို့ကြောင့် ULA/AA ထံသို့အမှန်အကန်ထည့်ဝင်လိုသူများအနီနန့်သီးခြားစစ်ဆီးစုံစမ်းစီလိုပါသည်။ မိမိရို့  အနီဖြင့် မိဘပြည်သူရို့ ၏ချွေးနှဲစာများကို လိမ်လည်ကောက်ခံလားသူများအား ၎င်းရို့ နန့်ထိုက်တန်သည့် ပြုလုပ်မှုမျိုးကို လုပ်ဆောင်လားမည်ဖြစ်သည်။

 

သတင်းနန့်ပြန်ကြားရီး
ရက္ခိုင့်တပ်မတော်