“မြိတ်ဝရွာ”အပါအဝင်အခြားရွာများအတွင်းရှိရွာသူ/ရွာသားများ၏ အိမ်များကိုဝင်ရောက်ဖျက်ဆီးသည့်အပြင်တန်ဖိုးရှိ/တန်ဖိုးနည်း ပစ္စည်းများကိုမြန်မာစစ်တပ်မှ ယူဆောင်ပြီး စစ်ရာဇဝတ်မှုကျူးလွန်

“မြိတ်ဝရွာ”အပါအဝင်အခြားရွာများအတွင်းရှိရွာသူ/ရွာသားများ၏ အိမ်များကိုဝင်ရောက်ဖျက်ဆီးသည့်အပြင်တန်ဖိုးရှိ/တန်ဖိုးနည်း ပစ္စည်းများကိုမြန်မာစစ်တပ်မှ ယူဆောင်ပြီး စစ်ရာဇဝတ်မှုကျူးလွန်

“မြိတ်ဝရွာ”အပါအဝင်အခြားရွာများအတွင်းရှိရွာသူ/ရွာသားများ၏အိမ်များကိုဝင်ရောက်                                                              ဖျက်ဆီးသည့်အပြင်တန်ဖိုးရှိ/တန်ဖိုးနည်းပစ္စည်းများကိုမြန်မာစစ်တပ်မှ                                                                                                                        ယူဆောင်ပြီး စစ်ရာဇဝတ်မှုကျူးလွန်

 

မြန်မာစစ်တပ်နှင့်ရက္ခိုင့်တပ်မတော်တို့ နိုဝင်ဘာ(၁)ရက်နေ့မှစတင်ဖြစ်ပွားနေခဲ့သောတိုက်ပွဲများသည်ယခုဆိုလျှင် တစ်လခွဲနီးပါးကြာခဲ့ပြီဖြစ်သည်။တစ်ရက်ပြီးတစ်ရက်အရှိန်မြှင့်လာနေသည့်မြန်မာစစ်တပ်၏ အမြစ်ပြုတ်ထိုးစစ်ဆင်တိုက်ခိုက်နေမှုများကြောင့်တိုက်ပွဲဧရိယာသည်လည်း တစ်ရက်ပြီးတစ်ရက်ပိုမိုကျယ်ပြန့်လာခဲ့သည်။

ဤကဲ့သို့ လချီကြာတိုက်ပွဲများကြောင့် တိုက်ပွဲဖြစ်ပွားရာပတ်ဝန်းကျင်အနီးအနားရှိရွာများဖြစ်သည့် “မြိတ်ဝ”ရွာ Meik Wa ၊”မြွီလိုက်ဝ”ရွာ Mwe Leik Wa ၊ “ပကာဝ”ရွာ Pa Ka Wa ၊ “စက်တင်ဝ”ရွာ Sap Tan Wa၊ “အုန်းသီးဝ” Own Thee Wa နှင့် “ကလပ်ချောင်း” Clerk Chaung ရွာများအားလုံးသည် စစ်ပွဲဖြစ်ပွားနေသည့်နေရာများအနီးမှအန္တရာယ်ဘေးလွတ်ကင်းရာသို့ရွာလုံးကျွတ်ရှောင်တိမ်းသွားခဲ့ရသည်။ထို့ကြောင့်အိန္ဒိယနယ်(အိန္ဒိယ-မြန်မာနယ်စပ်)ထဲ၌                                                                                                                                                                             စစ်ပွဲရှောင်အရေအတွက်မှာ ၁၆၀၀ (တစ်ထောင့်ခြောက်ရာ)ကျော်ခဲ့ပြီဖြစ်သည်။

ယခုရက်များအတွင်း အအေးပိုခြင်းနှင့်အတူမိုးရွာသောကြောင့် အမိုးအကာ၊အနွေးထည်၊ခြုံစောင်များလိုအပ်သကဲ့သို့ နေထိုင်စားသောက်ရေး၊ စားဝတ်နေရေး၊ ကျန်းမာရေးကူညီစောင့်ရှောက်မှုများလိုအပ်လျှက်ရှိနေပါသည်။

ဤကဲ့သို့အခိုက်အတန့်အတွင်း မြန်မာစစ်တပ်သည်ဤသည်ကိုအခွင့်ကောင်းယူကာရွာအတွင်းရှိရွာသူ/ရွာသားများ၏အိမ်များမှ တန်ဖိုးရှိ/တန်ဖိုးနည်းပစ္စည်းများကိုဝင်ရောက်ယူဆောင်ပြီး မယူနိုင်သည့်ပစ္စည်းများအားဖျက်ဆီးခြင်း၊ တိရစ္ဆာန်များအားသတ်ဖြတ်ယူဆောင်သွားခြင်းတို့အားပြုလုပ်ခဲ့သည်။

ရွာသားများထားခဲ့သော ဆန်၊ဆီ၊ဆား၊ဆေးဝါး၊အစားအသောက်များကို ချွန်ထက်သောအရာများဖြင့်ထိုးဖောက်ပြီးမြေပြင်၌ပြန့်ကြဲဖျက်ဆီးထားရှိခဲ့သည်။ ထို့အပြင် တွေ့ရှိသမျှသေတ္တာများကိုလည်းထိုးဖောက်ဖျက်ဆီးပြီးအဖိုးတန်ပစ္စည်းများကိုယူဆောင်သွားကြောင်း စစ်ပွဲရှောင်လာသည့်ကာယ ကံရှင်ရွာသူရွာသားများပြောပြချက်အရသိရှိရသည်။

အချို့ရွာများ၌ရွာအတွင်းရှိရွာသားများ၏အိမ်ခြံအတွင်းမြေများ၊အိမ်အောက်များကိုတူးဖော်ခြင်းများကိုလည်းပြုလုပ်ခဲ့သည်။ ထို့ကြောင့် မြန်မာစစ်တပ်၏ခိုးဝှက်လုယူတတ်သောအကျင့်စရိုက်ကိုမသိသေးသောရွာသားများမှာ၎င်းတို့ဝှက်ထားခဲ့သောရွှေ၊ငွေ၊ပိုက်ဆံများမှာ မြန်မာစစ်တပ်လက်ထဲပါသွားခဲ့သည်။

ထို့အပြင် မြန်မာစစ်တပ်ဖက်မှ ပစ်ခတ်တိုက်ခိုက်ခဲ့သောလက်နက်ကြီးကျည်ဆံများနှင့် ဟတ်စကီးပေါ်မှပစ်ခတ်တိုက်ခိုက်မှုများကြောင့် မြိတ်ဝရွာအတွင်းရှိလူနေအိမ်အချို့ကိုတိုက်ရိုက်ထိမှန်ပျက်စီးခဲ့သည်။

ဤကဲ့သို့သောအပြုအမူမှာ အစိုးရစစ်တပ်တစ်ခု၏အောက်တန်းကျသောလုပ်ရပ်ဖြစ်သည့်အပြင် စစ်ရာဇဝတ်မှု War Crime ကိုကျူးလွန်ခြင်းဖြစ်သည်။

သတင်းနှင့်ပြန်ကြားရေး
ရက္ခိုင့်တပ်မတော်
၂၀၁၇ ခုနှစ်၊ ဒီဇင်ဘာလ (၁၂)ရက်နေ့

#Arakandream2020
#ThewayofRakhita
#Thewayofrakhita
#ရက္ခိတလမ်းစဉ်
#ရခိုင်စစ်ပွဲရှောင်
#ArakanIDP
#InternalDisplacedPerson
#IDP
#warcrime

 

Leave a Reply

Your email address will not be published. Required fields are marked *