ရက္ခိုင့်တပ်မတော်၊ လှုပ်ရှားတပ်ရင်း (၃၀၄)နှင့် ဗမာစစ်တပ်၏ ခမရ (၃၇၇) တို့ ရခိုင်ပြည်နယ်စပ်အနီး၌တိုက်ပွဲဖြစ်ပွား

ရက္ခိုင့်တပ်မတော်၊ လှုပ်ရှားတပ်ရင်း (၃၀၄)နှင့် ဗမာစစ်တပ်၏ ခမရ (၃၇၇) တို့ ရခိုင်ပြည်နယ်စပ်အနီး၌တိုက်ပွဲဖြစ်ပွား

ရက္ခိုင့်တပ်မတော်၊ လှုပ်ရှားတပ်ရင်း (၃၀၄)နှင့် ဗမာစစ်တပ်၏ ခမရ (၃၇၇) တို့ ရခိုင်ပြည်နယ်စပ်အနီး၌တိုက်ပွဲဖြစ်ပွား

၂၀၁၇ ခုနှစ်၊ ဇွန်လ (၉) ရက်နေ့တွင် ရခိုင်ပြည်-ဘင်္ဂလာနယ်စပ်အနီး ၌ ရက္ခိုင့်တပ်မတော်၊ အမှတ်(၃) တပ်မဟာ၏ လှုပ်ရှားတပ်ရင်း (၃၀၄) နှင့် ဗမာစစ်တပ်၏ စကခ(၉)လက်အောက်ခံ၊ ခမရ (၃၇၇) တပ်ရင်းတို့ ရင်ဆိုင်တိုက်ပွဲဖြစ်ပွားခဲ့သည်။

ယနေ့၊နံနက် (၈) နာရီ(၃၀) မိနစ်တွင် စတင်တိုက်ပွဲဖြစ်ပွားခဲ့ပြီး ညနေ (၄) နာရီခန့်တွင်မှ ရင်ဆိုင်တိုက်ပွဲခေတ္တရပ်တန့်ခဲ့သည်။ တိုက်ပွဲဖြစ်ပွားသည့်နေရာသည် နယ်စပ်မျဉ်း BP-72 မှ (၅) ကီလိုမီတာအကွာအဝေးတွင်ဖြစ်ပွားခဲ့ပြီး ၎င်းနေရာသည် မိမိတို့တပ်ဖွဲ့များလှုပ်ရှားသည့်နေရာလည်းဖြစ်သည်။

ဗမာစစ်တပ်သည် လက်နက်ကြီးများဖြင့်ပစ်ခတ်တိုက်ခိုက်ခြင်းကို တိုက်ပွဲဖြစ်သည့်အချိန်မှစ၍ ရပ်တန့်ခြင်းမရှိဘဲ တောက်လျှောက်ပစ်ခတ်တိုက်ခိုက်ခဲ့သည်။ လက်နက်ကြီးကျည်ဆံများမှာ မိမိတို့အား ထိမှန်ခြင်းမရှိသော်လည်း ၎င်းယမ်းငွေ့များကြောင့် မိမိတို့ရဲဘော်အချို့ ခေါင်းကိုက်ခြင်း၊မူးဝေခြင်း၊အော့အန်ခြင်း၊ ကိုယ်လက်မအီမသာဖြစ်ခြင်းများကို ဖြစ်ပေါ်စေခဲ့သည်။ ဗမာစစ်တပ်၏လက်နက်ကြီးကျည်ဆံများတရုတ်နယ်စပ်၌ကျော်လွန်သကဲ့သို့ ဘင်္ဂလာနယ်စပ်အားကျော်လွန်ကျရောက်ခြင်းရှိ/မရှိ မသိရသေးပါ။

တိုက်ပွဲအတွင်း ဗမာစစ်တပ်ဖက်မှ အရာရှိတစ်ဦးအပါအဝင် စုစုပေါင်းလေးဦး (မျက်မြင်)ကျဆုံးခဲ့ပြီး ဒဏ်ရာရသူအများအပြားရှိခဲ့သည်။ မိမိတို့ဖက်မှ အလတ်စားဒဏ်ရာရသူတစ်ဦးရှိခဲ့သည်။ ဗမာစစ်တပ်သည် စစ်အင်အားတိုးချဲ့ခြင်း၊ ထိုးစစ်ဆင်တိုက်ခိုက်မှုများကို ရခိုင်ဒေသ၊ တအာင်းဒေသ၊ ကချင်ဒေသ၊ ကိုးကန့်ဒေသတွင်တပြိုက်တည်း ပြုလုပ်နေသောကြောင့် တိုက်ပွဲများမှာ ဆက်လက်မြင့်မားလာဖွယ်ရှိနေသည်။

ရက္ခိုင့်တပ်မတော်
သတင်းနှင့်ပြန်ကြားရေးဌာန

 

Leave a Reply

Your email address will not be published. Required fields are marked *