(၇) နှစ်မြောက် ခမီအမျိုးသားနိ အခမ်းအနားသို့ ရက္ခိုင်အမျိုးသားအဖွဲ့ချုပ် (United League of Arakan- ULA/ ရက္ခိုင့်တပ်မတော် (Arakan Army-AA) မှ ပီးပို့သော သဝဏ်လွှာ

(၇) နှစ်မြောက် ခမီအမျိုးသားနိ အခမ်းအနားသို့ ရက္ခိုင်အမျိုးသားအဖွဲ့ချုပ် (United League of Arakan- ULA/ ရက္ခိုင့်တပ်မတော် (Arakan Army-AA) မှ ပီးပို့သော သဝဏ်လွှာ

(၇) နှစ်မြောက် ခမီအမျိုးသားနိ အခမ်းအနားသို့ ရက္ခိုင်အမျိုးသားအဖွဲ့ချုပ် (United League of Arakan- ULA/ ရက္ခိုင့်တပ်မတော် (Arakan Army-AA) မှ ပီးပို့သော သဝဏ်လွှာ

၂၀၁၇ ခုနှစ် ဧပြီလ ၂၇ ရက်

ခမီအမျိုးသားနိအား ကျွန်တော်ရို့ ရက္ခိုင်အမျိုးသားအဖွဲ့ချုပ်(ULA)/ ရက္ခိုင့်တပ်မတော်(AA)မှ အလီးအနက်ဂုဏ်ပြုအပ်ပါသည်။ အာရက္ခနိုင်ငံတော်အတွင်း နှစ်ပေါင်းထောင်ချီ အတူတကွလက်တွဲဟြင်သန်နီထိုင်လာခကတ်သော ခမီအမျိုးသားများကို မိမိရို့ရက္ခိုင်လူမျိုးများအနီဖြင့် သွီးချင်းဆက်နွယ် ညီကိုမောင်နှမများအဖြစ် အမြဲတမ်းထာဝရ ချစ်ခင်မြတ်နိုးတန်ဖိုးထားပါသည်။

ညီနောင်ခမီများနှင့် ရက္ခိုင်လူမျိုးများမှာ နှစ်ပေါင်းထောင်ချီ ဟြီး ဖိုးဖီးစဉ်လာဆက်ဆက် အာရက္ခနိုင်ငံတော်အား အတူတကွ တည်ထောင်ပိုင်ဆိုင်ကတ်ပြီး ငြိမ်းချမ်းစွာ အတူတကွလွတ်လပ်စွာ ဟြင်သန်နီထိုင်ခကတ်သော ဆွီမျိုးရင်းချာများဖြစ်ကတ်ပါသည်။

အာရက္ခနိုင်ငံတော် အချုပ်ချာအာဏာဆုံးယှုံးပြီးနောက် အတိတ်ကာလက ထည်ဝါခမ်းနားခသော ခမီ-ရက္ခိုင်လူမျိုးများ၏ အမျိုးသားရီးအခြီအနီမှာ ဆင်းရဲဒုက္ခ ခြိမ်းခြောက်မှု အန္တရာယ်အမျိုးမျိုးနှင့် ဝန်းရံခပင်းလျှက်ဟိနီပါသည်။ နယ်ချဲ့ကျူးကျော်သူများ၏ ဖိနှိပ်မှု၊ သွီးခွဲမှု၊ ကောက်ကျစ်မှုနှင့် နည်းပရိယာယ်များကြောင့် ညီအစ်ကိုအရင်းအချာများမှာ နီးလျှက်နှင့်ဝီးကွာနီရသော အနီအထားသို့ ရောက်ဟိနီကတ်ရပါသည်။ မည်သို့ပင်ဆိုစေကာမူ ရက္ခိုင်မျိုးနွယ်စုများအားလုံး၏ အကျိုးစီးပွားကို ဦးထိပ်ပန်ဆင်လျှက် ရက္ခိတလမ်းစဉ်အတိုင်း တိုက်ပွဲဝင်လျှောက်လှမ်းလျှက်ဟိသည့် မိမိရို့ ULA/AA အနီဖြင့် ခမီအမျိုးသားညီနောင်များ၏ အကျိုးစီးပွားများကိုလည်း ထပ်တူထပ်မျှ ထိန်းသိမ်းကာကွယ် စောင့်ယှောက်ပြီး ခမီညီနောင်များနှင့် အတူတကွလက်တွဲလုပ်ဆောင်လားရန် ခိုင်မာသော သန္နိဋ္ဌာန်ဖြင့် လက်တွိကျကျအကောင်အထည်ဖော်ဆောင်ရွက်လျှက်ဟိနီပါသည်။

ဂနိမျက်မှောက်ကာလ ညီနောင်ခမီလူမျိုးများ၏ ရိုးရာဓလေ့ထုံးတမ်း၊ ယဉ်ကျေးမှု၊ ဘာသာစကားများကို မပျောက်ပျက်အောင် ထိန်းသိမ်းကာကွယ်စောင့်ယှောက်ရန်၊ ကိုးကွယ်ယုံကြည်မှုနှင့် နယ်မြီများကိုကာကွယ်စောင့်ယှောက်ရန်အတွက် အလွန်အရီးကြီးသော အချိန်အခါ၌ ဆိုက်ရောက်လျှက် ဟိကြောင်း မိမိရို့အနီဖြင့် ရှုမြင်သုံးသပ်မိပါသည်။ ထို့ကြောင့် ပရံလူ သူစိမ်းတရံ ကျူးကျော်သူနယ်ချဲ့များ၏ သွီးထိုးမှုများကို နားမယောင်ဘဲ မိမိရို့ညီကိုရင်းချာများတွဲလက်မဖြုတ်စတမ်း ဘုံအကျိုးစီးပွားများအတွက် ဖြူစင်သောသဘောထားများ၊ မြင့်မြတ်သောပီးဆပ်မှုများနှင့် တွဲလက်ခိုင်မြဲစွာ ခရီးဆက်နိုင်ဖို့ ဆန္ဒပြုဆုမွန်ကောင်းတောင်းလျှက် ဤသဝဏ်လွှာအားဂုဏ်ယူဝမ်းမြောက်စွာ ပီးပို့အပ်ပါသည်။

ထွန်းမြတ်နိုင် (ဥက္ကဋ္ဌ)
ရက္ခိုင်အမျိုးသားအဖွဲ့ချုပ်