နိုဝင်ဘာ ဆယ့်ကိုး

နိုဝင်ဘာ ဆယ့်ကိုး

၂၀၁၄-ခုနှစ် နိုဝင်ဘာလ (၁၉)ရက်နေ့သည် ကချင်လွတ်မြောက်ရီးတပ်မတော် (KIA) ၏ဗိုလ်သင်တန်းကျောင်းဝင်းအတွင်းသို့ မြန်မာစစ်တပ်မှ အကြောင်းပြချက်တစ်စုံတစ်ရာမရှိဘဲ အငိုက်ဖမ်းအကောက်ကြံပြီး လက်နက်ကြီးဖြင့်တမင်တကာရည်ရွယ်၍ပစ်ခတ်တိုက်ခဲ့၍ ဗိုလ်လောင်းအားလုံးထဲမှ ဗိုလ်လောင်း (၂၃)ဦး ကျဆုံးခဲ့ရပြီး (၂၀) ဦးမှာ ဒဏ်ရာပြင်းထန်စွာရရှိခဲ့သောနေ့ဖြစ်သည်။

ယနေ့ ၂၀၁၇-ခုနှစ် နိုဝင်ဘာလ (၁၉)ရက်နေ့ဆိုလျှင်
၎င်းတိုက်ခိုက်ခံရမှုကြောင့် ရက္ခိုင့်တပ်မတော်မှသူရဲကောင်းများအပါအဝင် အခြားဗိုလ်လောင်းများအသက်ပေးဆပ်စွန့်လွှတ်သွားခဲ့ခြင်းသည် သုံးနှစ်တိတိပြည့်သည့်နေ့ဖြစ်ပါသည်။

၎င်းအထဲတွင် ရက္ခိုင့်တပ်မတော် (Arakan Army) မှတက်ရောက်လျှက်ရှိသည့် ဗိုလ်လောင်း (၂၀) ဦးထဲမှ (၈) ဦး ( ဗိုလ်လောင်း ကျော်ခန့်၊ ဗိုလ်လောင်း ခိုင်ထွန်း၊ ဗိုလ်လောင်း ထက်ထက်အောင် (ခ) ခိုင်ထက်အောင်၊ ဗိုလ်လောင်း ကိုစောတင်၊ ဗိုလ်လောင်း ရဲဝင်းထွန်း၊ ဗိုလ်လောင်း အောင်အောင်သန်း၊ ဗိုလ်လောင်း ရန်လင်းစိုး၊ ဗိုလ်လောင်း သိန်းသန်းနိုင်)မှာ ၎င်းနေရာ၌ပင် ကျဆုံးခရပြီး နောက်ထပ်(၅) ဦးမှာ ပြင်းထန်စွာဒဏ်ရာရရှိခဲ့သည်။

ဤနေ့ဤရက်တွင်သူရဲကောင်းများကို ဦးညွတ်ဂါရဝပြုယင်း ကျန်ရစ်သူမိသားစုဝင်များနှင့်အတူ မိမိတို့ (ULA/AA) အနေဖြင့်ထပ်တူထပ်မျှ ဝမ်းနည်းကြေကွဲရကြောင်းကို အလေးအနက်ပြောကြားအပ်ပါသည်။

သတင်းနှင့်ပြန်ကြားရေး
ရက္ခိုင့်တပ်မတော်။

Leave a Reply

Your email address will not be published. Required fields are marked *