၂၀၁၉ ခုနှစ်၊ ဇန်နဝါရီလ(၁၅) ရက်၊ ရခိုင်ပြည်တိုက်ပွဲသတင်း

၂၀၁၉ ခုနှစ်၊ ဇန်နဝါရီလ(၁၅) ရက်၊ ရခိုင်ပြည်တိုက်ပွဲသတင်း

၂၀၁၉ ခုနှစ်၊ ဇန်နဝါရီလ(၁၅) ရက်၊ ရခိုင်ပြည်တိုက်ပွဲသတင်းများ
(အောက်ပါ Link များတွင် ဝင်ရောက်ဖတ်ရှုနိုင်ပါသည်)
Arakan Army- https://bit.ly/2TV4GI1
Ula- https://bit.ly/2stB3Sb

၂၀၁၉ ခုနှစ်၊ ဇန်နဝါရီလ(၁၅) ရက်နေ့၊နံနက် (၈) နာရီ(၅၅) မိနစ် နှင့် နေ့လည်(၁၂) နာရီ(၂၀) မိနစ်တို့တွင် ရခိုင်-ဘင်္ဂလာနယ်စပ်အနီး၊မောင်တောမြို့နယ် အစပ်၌ တိုက်ပွဲများနေရာနှစ်ခု၌အသီးသီးဖြစ်ပွားခဲ့သည်။ ထို့အတူ ညနေ(၄) နာရီ(၂၀) မိနစ်အထိ တိုက်ပွဲများကြိုကြားကြိုကြားဖြစ်ပွားနေဆဲဖြစ်သည်။ ယနေ့တိုက်ပွဲများအတွင်းလက်ရှိအချိန်အထိ ရန်သူ့ဖက်မှကျဆုံး(၁၀) ဦးရှိခဲ့သည်။ (မျက်မြင်)

ဇန်နဝါရီလ(၁၅) ရက်၊နံနက်( ၆)နာရီ (၅၅) မိနစ်တွင် ရသေ့တောင်မြို့နယ်”စပါးထားရွာ” အနီး၌မိနစ်(၂၀) ကြာတိုက်ပွဲဖြစ်ပွားခဲ့သည်။ ယခုဖြစ်ပွားခဲ့သည့် ဗမာစစ်တပ်၏တပ်မ(၂၂) တပ်ဖွဲ့ဝင်များသည် ဇန်နဝါရီလ(၁၄) ရက်နေ့၊ညနေ(၈) နာရီခန့်အချိန်တွင် “စပါးထားရွာ”ရှိလူနေအိမ်များပေါ်တွင် အခွင့်မတောင်းဘဲအတင်းအဓမ္မအိပ်ရန်ဝင်ရောက်ကြိုးစားခြင်း၊ လူနေအိမ်များအောက်တွင် အိပ်စက်ခြင်း၊ အမျိုးသမီးများအားကာယိနြေ္ဒပျက်အောင်ပြုလုပ်ခြင်းစသည့် စစ်ရာဇဝတ်ပြစ်မှုများကိုကျူးလွန်ခဲ့သောတပ်ရင်း(တပ်ရင်းမှူး၊ တပ်ရင်းအမည်စီစစ်ဆဲ) ဖြစ်သည်။

ထို့အပြင်,နံနက်(၁၁) နာရီ (၄၄)မိနစ် မှ ညနေ(၅) နာရီ (၃၀) မိနစ်အထိ နာရီဆက်တိုက်ပွဲများသည် ရသေ့တောင်မြို့နယ်၊ “ဥယျာဉ်သာရွာ”၏ အရှေ့တောင်ဖက်တောင်တန်းပေါ်တွင် ခြောက်နာရီခန့်အကြာတိုက်ပွဲများပြင်းထန်ခဲ့သည်။

ထို့အတူ,ညနေ(၆) နာရီ မှ (၆) နာရီ (၃၀) မိနစ်အထိ “ဥယျာဉ်သာရွာ”၏ အရှေ့ဖက်မြောက်ဖက်တောင်တန်းပေါ်တွင်လည်းမိနစ်သုံးဆယ်အကြာတိုက်ပွဲဖြစ်ပွားခဲ့သည်။

ထို့ကြောင့် ဇန်နဝါရီလ(၁၅) ရက်နေ့တစ်ရက်တည်းတွင် ရခိုင်ပြည်၏ မောင်တောနယ်စပ်၊ရသေ့တောင်မြို့နယ်များ၌တိုက်ပွဲလေးနေရာဆက်တိုက်ဖြစ်ပွားခဲ့သည်။

ဤကဲ့သို့ ရခိုင်ပြည်အနှံ့တိုက်ပွဲများဆက်တိုက်ဖြစ်ပွားနေခဲ့ရခြင်းမှာ NLD အစိုးရ၏ခွင့်ပြုချက်ဖြင့် တရားဝင်စစ်ရာဇဝတ်ကျူးလွန်ခွင့်ရဗမာစစ်တပ်မှ လူအင်အား၊လက်နက်အင်အားအများအပြားဖြင့် မိမိတို့အားထိုးစစ်ဆင်တိုက်ခိုက်လာနေသောကြောင့်ဖြစ်သည်။

ထို့ကြောင့် တိုက်ပွဲနောက်ဆက်တွဲကြောင့်ဖြစ်ပေါ်လာမှုများအားလုံး၏ဆိုးကျိုးမှာ ဗမာအစိုးရနှင့် ဗမာစစ်တပ်၏တာဝန်သာဖြစ်ကြောင်းသိစေအပ်ပါသည်။

သတင်းနှင့်ပြန်ကြားရေး
ရက္ခိုင့်တပ်မတော်
၂၀၁၉ ခုနှစ်၊ ဇန်နဝါရီလ(၁၅) ရက်

Leave a Reply

Your email address will not be published. Required fields are marked *