၂၀၁၉ ခုနှစ်၊ဖေဖော်ဝါရီလ(၁/၂) ရက်တိုက်ပွဲသတင်းများ

၂၀၁၉ ခုနှစ်၊ဖေဖော်ဝါရီလ(၁/၂) ရက်တိုက်ပွဲသတင်းများ

၂၀၁၉ ခုနှစ်၊ဖေဖော်ဝါရီလ(၁) ရက်၊ ညနေ(၆) နာရီ(၃၀) မိနစ်အချိန်တွင် ရသေ့တောင်မြို့နယ်၊ “ခရုချောင်း” နှင့် “ရဂေါင်းချောင်း” အကြားတွင် ဆယ်မိနစ်ခန့်သာသာထိတွေ့တိုက်ခိုက်မှုဖြစ်ပွားခဲ့သည်။
ထို့အတူ ၂၀၁၉ ခုနှစ်၊ဖေဖော်ဝါရီလ(၂)ရက်၊ နံနက် (၈) နာရီ(၄၇) မိနစ် မှ နံနက်(၁၀) နာရီ (၄၂) မိနစ်အထိ ရသေ့တောင်မြို့နယ်၊ ကျောက်တန်းရွာ နှင့် ရေဘုတ်(ရီဘုတ်ရွာ) ရွာအကြားတွင်တိုက်ပွဲဖြစ်ပွားခဲ့သည်။ ယနေ့တိုက်ပွဲတွင်ဗမာစစ်တပ်ဖက်မှ အထိအခိုက်အကျအဆုံးများခဲ့သည်။ မိမိတို့အနေဖြင့် ခမရ(၅၆၆) ထံမှ စစ်အသုံးအဆောင်ပစ္စည်းများ၊လက်နက်ခဲယမ်းအသုံးအဆောင်ပစ္စည်းများကိုသိမ်းဆည်းရမိခဲ့သည်။
ထို့အပြင် ပလက်ဝမြို့နယ်၊ ပကာဝကျေးရွာ၊ အနောက်တောင်ဖက်၊(၁) ကီလိုမီတာအကွားအဝေးတွင်လည်း “ဆန်၊မြေပဲ၊ရွှေဖီဦးလက်ဖက်ရည်ထုတ်”များပါဝင်သောရန်သူ့ရိက္ခာပစ္စည်းများကို ထပ်မံဖမ်းဆီးရမိခဲ့သည်။ လွန်ခဲ့သောလများတွင်လည်းယခုကဲ့သို့ဖမ်းဆီးသိမ်းဆည်းရရှိမိမှုများသုံးကြိမ်ရှိခဲ့သည်။ဗမာစစ်တပ်သည် ၎င်းရိက္ခာပစ္စည်းများကို “ပကာဝရွာသား”နှင့် “မွီလိုင်ဝရွာသား”များအားအတင်းအဓ္ဓခြိမ်းခြောက်စေခိုင်းပြီး၎င်းရိက္ခာပစ္စည်းများအားပို့ဆောင်ရန်သွားခိုင်းသည့်အခိုက်အတန့်၌မိမိတို့ရက္ခိုင့်တပ်မတော်လှုပ်ရှားစစ်ကြောင်းမှဖမ်းဆီးရမိခြင်းဖြစ်သည်။ မိမိတို့တပ်ဖွဲ့ဝင်များမှရန်သူ့ရိက္ခာပစ္စည်းများကိုသာယူဆောင်ထားခဲ့ပြီးသယ်ဆောင်ပို့လာသူများအား ကောင်းမွန်စွာပြန်လွှတ်ပေးခဲ့သည်။ ဗမာစစ်တပ်သည် ရိက္ခာပစ္စည်းများအားကိုယ်တိုင်မသယ်ဆောင်ရဲသောကြောင့် ယခုကဲ့သို့ရွာသူရွာသားများကို အတင်းအဓမ္မစေခိုင်းခြင်း၊ ရွာသူရွာသားများဖြင့် ကြားညှပ်ကာစေမြေပြင်အတွင်းသွားလာနေခြင်း၊ လူသားဒိုင်းကာများအဖြစ်အသုံးပြုခြင်းများကိုဆက်တိုက်ပြုလုပ်လျှက်ရှိပြီး စစ်ရာဇဝတ်မှုများကိုဗြောင်ကျကျကျူးလွန်ဖောက်ဖျက်လျှက်ရှိသည်။
ယနေ့ဖေဖော်ဝါရီလ(၂) ရက်နေ့၌လည်းရသေ့တောင်မြို့နယ်၊ကျောက်တန်းကျေးရွာမှ
(၁)ဦးကျော်စိန်သန်း၊အသက်(၅၁)နှစ်

(၂)မောင်လုံးချေ၊ အသက်(၃၀)နှစ်

(၃)မောင်သန်းလှိုင်၊ အသက်(၃၂) နှစ် တို့အား စစ်ရာဇဝတ်ကောင်ဗမာစစ်တပ်မှ ဖမ်းဆီးခေါ်ဆောင်သွားပြီးလူသားဒိုင်းကာအဖြစ်အသုံးပြုခဲ့ကြသည်။ မျက်မြင်များ၏ပြောကြားချက်အရအင်အား(၇၀) ခန့်ပါသော ဗမာစစ်တပ်မှ”လိုင်ဂွင်ကြီးချောင်း” ဖက်သို့ဖမ်းဆီးခေါ်ဆောင်သွားကြောင်းသိရှိရသည်။

ထို့ကြောင့် လူ့အခွင့်အရေးစောင့်ကြည့်ကြသူများအနေဖြင့် ဗမာစစ်တပ်၏စစ်ရာဇဝတ်ကျူးလွန်မှုများကိုစောင့်ကြည့်ကာနိုင်ငံတကာလူ့အခွင့်အရေးစောင့်ကြည့်ရေးအဖွဲ့များထံတင်ပြသွားကြရန်မိမိတို့ ULA /AA အနေဖြင့် ပန်ကြားအပ်ပါသည်။

သတင်းနှင့်ပြန်ကြားရေး
ရက္ခိုင့်တပ်မတော်၂၀၁၉ ခုနှစ်၊ ဖေဖော်ဝါရီလ(၂) ရက်

Leave a Reply

Your email address will not be published. Required fields are marked *